I pröms agn gnè le calëndar surantut dala Federaziun dles Casses Raiffeisen y reportè tl lingaz ladin. Dl 1998 à spò Bruno Morlang portè inant l’idea de fà n calënder; da chësc moment inant, ince giulan al sostëgn dl Fotoclub Val Badia che à realisè gran pert dles fotografies, vëgnél vigni ann publichè le calënder.I calëndri à reportè tematiches desvalies tl contest dles fotografies: le raiun ladin, la jënt ladina te süa identité, le svilup de nüsc paisc, la storia de nosta valada, le laur da vigni dé, le laur da paur, l’artejanat, le turism, la vita culturala y religiosa, le sport, la vita soziala, les uniuns y les manifestaziuns, Dal 2010 inant à le calënder ciafè na forma nöia; vigni ann vëgnel mudé la tematica: en chësc ann é „lëgns tla natöra“.Tone Gasser à por l’ocajiun splighè les festivités reportades tl calënder y Maria Rubatscher à splighè i contegnüs di sëgns zodiacai y dles lünes reportades sön le calënder, cossa importanta por les regoles dla natöra.La presentaziun é gnüda abelida cun cianties da pert dl cuartet „Göma“; la mostra storica di calëndri dla Cassa Raiffeisen cun passa 300 fotografies po gnì vijitada tl salf dla Cassa Raiffeisen a Al Plan dal lönesc al vëndres dales 8 ales 12:30 y dales 14:45 ales 16:15 cina ai 28 de novëmber 2014.D/bon